domingo, 26 de marzo de 2017

TEATRO CON REIVINDICACIÓN.

Imaxe atopada na rede.
Hoxe , 27 de marzo, chega a nós unha nova celebración ; a do Día Mundial do Teatro. Creada en 1961, por iniciativa do Instituto Internacional do teatro (ITI), pretende  dar coñecer o  mundo das artes escénicas a todo o mundo.
Propóñovos estas opcións para a súa celebración.
-Uns recursos que nos ofrece a páxina do Intef.
-Unhas recomendacións da Editorial SM.
-Outras da Editorial Santillana.
-Un artigo, no blogue de Tiching, sobre o teatro como ferramenta no cole.
D Manuel Daniel Varela Buxán. Premede para ver a biografía.

Por último, unha reivindicación: a dunha figura clave no teatro do século XX da nosa terra ; D. Manuel Daniel Varela Buxán.
Este dramaturgo internacional viu a luz nunha pequena parroquia estradense (Lamas, no lugar de Sanlouzáns) alá nos albores do século pasado. Viaxou a Bos Aires e levou a Galicia con el, a través das súas obras teatrais. Voltou á terra e seguiu co seu traballo de difusión cultural e teatral.
Onte celebrouse o trinta aniversario do seu pasamento (25 de setembro de 1986)  e o Gaiás homenaxeouno con moito bombo.
Dende o cariño polo teatro e compartindo o  máis marabilloso lugar de nacemento que se podería ter, solicito a concesión das Letras Galegas para este persoeiro ilustre.
VIVA O TEATRO E VIVAN OS DRAMATURGOS, QUE SON UNIVERSAIS E NON PERTENCEN A NINGUÉN!!!

sábado, 25 de marzo de 2017

DÍA DA MULLER.

Imaxe atopada na rede.
Nunha entrada anterior xa vos contaba que íamos aproveitar a data do 11 de febreiro (Día Internacional de Muller e a Nena Científicas) para  festexar o Día Internacional da Muller. Cada neno/a escolleu dúas científicas do seu agrado e na aula fixemos unha posta en común, xa que algunha estaba repetida. Despois, cada un tivo que buscar información sobre as dúas mulleres escollidas e pasala a unhas fichas (nas que me axudou a profe Vane co deseño). Por último, pegámolas en cartolina, engadímoslle  unha foto e fixemos un libriño.
Queredes ver como nos quedou? Velaí  o traballo.
Montaxe realizada con PiZap
Por se a alguén lle interesan as fichas , tamén volas subo.

miércoles, 22 de marzo de 2017

CHOIVA,NEVE, SARAIBA...AUGA!!!

Imaxe obtida en pixabay.com
Seguimos coas conmemoracións de marzo e hoxe tócanos o Día Mundial da Auga. Para celebrar esta data, botaremos man da música e a lectura.
As recomendacións lectoras chégannos de parte de a Editorial  SM e
a música ven voando polas ondas na voz de Marcelo Serralva, que interpreta "Água". Non é no noso idioma pero a música é universal. Recoñecedes a lingua?
Vídeo obtido  no canal de Youtube de Malamalenga.
Deixovos tamén un caderno sobre o Ciclo da Auga que aparece en Imágenes Educativas pero
non esquezades os recursos compartidos en anos anteriores
Recordade sempre a importancia deste ben escaso que debemos coidar e aforrar para que todos/as o poidamos gozar. 
Necesitámola para vivir!!!

lunes, 20 de marzo de 2017

RECURSOS PRIMAVERA 2017.

Imaxe atopada en Pixabay.

Xa chega a caloriña polas tardes de marzo, a brisa suave do mediodía,as flores agromando nas árbores, os paxariños que pían ventureiros. Sí, chegou a primavera. E con ela,un montón de celebracións neste mes de marzal. Por iso, imos  aló coa nosa recopilación primaveral.
- Na páxina de Orientación Andújar sempre hai  recursos para todas as ocasións.
-Na páxina de Tiching tamén podemos atopar cousas interesantes.
- Atopei este Pinterest de María Luisa López González que está cargadiño de estupendas ideas.
- Non esquecemos os recursos do ano anterior.
Para comezar coas celebracións, o día 21 de marzo,viviremos intensamente o Día da Poesía,
Imaxe atopada na rede.
xogaremos alegremente no Día da Árbore (Día Forestal Mundial) e
Imaxe atopada na rede.
visibilizaremos a igualdade no Día Mundial da Sídrome de Down.(Preme nas imaxes para ter máis información).
Imaxe atopada en Educación 2.0
FELIZ PRIMAVERA!!!!

domingo, 19 de marzo de 2017

DÍA DO PAI.

ImageChef Word Mosaic - ImageChef.com
Hoxe é un día especial. Non creo que haxa que mercar nada, nin facer  cousas extraordinarias pero si recoñecer a labor dun pai que nos criou como mellor soubo, que nos ensinou todo o que sabía e que se preocupou por nós procurando darnos o mellor. Se tivestes  isto nas vosas vidas ou aínda o podedes gozar, agradecédeo profundamente. Sodes afortunados/as, non todo o mundo pode dicir o mesmo. Eu, pola parte que me toca, quero dicir, hoxe e sempre
GRAZAS, PAPÁ!!!
A publicidade ás veces é enganosa, pero outras envía mensaxes interesantes ou tenras. A ver que vos parece este anuncio.
Obtido no canal de Youtube Masvidaeu.
Enlázovos ao blogue Soñando Cuentos para que leades a estupenda recomendación que nos fan sobre o libro "Un papá a la medida" de Davide Cali e Anna Laura Cantone. Sónanvos? Claro que si!!! Son os autores de "¿Qué es el amor?" que xa lemos o mes pasado.
FELIZ DÍA A TODOS OS PAPIS!!!

jueves, 16 de marzo de 2017

CAIXÓN DESASTRE (V)

Montaxe realizada con PiZap.
Hoxe, o noso Caixón Desastre  ofrécenos unha estupenda curta de Pixar. A súa estrea produciuse en xuño do 2016 baixo a dirección de Nicolas Alan Barillaro. Acompañaba á estrea en cines de "Buscando a Dory" e preséntase como un pequeno petisco animado que merece a pena ver.
"Piper", así se chama a historia, é un pequeno correlimos tridáctilo que ten que superar medos para conseguir o que quere.
A ver que vos parece a historia!!!

Obtido no canal de Youtube de Tamapa Ko3yoehko

domingo, 12 de marzo de 2017

XOGOS DE CIENCIAS (II).

Montaxe realizada con PiZap sobre imaxe de Pixabay.

Volvemos cos xogos de Ciencias para que repasedes e o disfrutedes aprendendo. Imos aló!!!

Ciencias  da Natureza.
- No blogue , Recursos Educativos de Primaria, hai unha compilación moi extensa sobre animaliños.
- No blogue, Primero de Carlos, atopamos moitas  actividades de ANAYA sobre animais.

Ciencias Sociais..
- No mesmo lugar, podemos repasar cousiñas sobre a auga.
- Na páxina de Vedoque tamén temos xogos do aire e da auga.
- En Actiludis fálannos do ciclo da auga.

sábado, 11 de marzo de 2017

O QUE QUEDA DE ENTROIDO.

Imaxe atopada na rede.
Xa sei que o Entroido vai escapado pero como tivemos a algún de baixa non houbo opción de presentar as crónicas. Agora sí, co equipo completo... Mirade que ben  o pasamos!!!

miércoles, 8 de marzo de 2017

FELIZ DÍA, FELIZ ANO.

Imaxe atopada na rede.
Como reza o cartel  de aquí arriba, hoxe é 8 de marzo e celebramos o Día Internacional da Muller. Pero interésame máis a mensaxe que nos transmite, celebremos hoxe a igualdade para poñela en práctica o resto do ano.
Este curso,quixen aproveitar a data do 11 de febreiro (Día Internacional da Muller e a Nena Científicas) para que fixésemos unha pequena investigación sobre as mulleres na ciencia. Porque son moitas e ben importantes as mulleres que no mundo traballan para mellorar e que melloremos. Así é que merecen respecto, recoñecemento e igualdade. Tan pronto como teña o resultado do proxecto, ensínovolo. Mentres tanto podedes celebrar o día accedendo as entradas de anos anteriores.
Tamén vos deixo o enlace ao blogue da nosa amiga Isabel Piñero, Las TIC en Primaria, que recolle material interesante.
FELIZ DÍA!!!!

lunes, 6 de marzo de 2017

COMO ANDAN OS PUNTOS?

Non vos pensedes  que porque non falemos deles non andan pola aula. Seguimos co noso programa de puntos. Xa temos catro membros exclusivos do clube de 2º que se gañaron o dereito a poñer nome a dito clube pero necesitan un quinto membro que está por chegar. O primeiro que conseguiron foi poder utilizar o recanto da biblioteca de aula para ler e o segundo, acceso ilimitado a todos os libros da aula: os propios (coma todos), os dos compis e os da biblio.
Teñen estes catro membros exclusivos unhas tarxetas de puntos que terán recompensas sorpresa.
Tamén apareceu pola clase un  bote do traballado rematado, que nos axuda a entreternos cando todo o planificado xa está feito. Esta idea saqueina da rede , collendo ideas de moitos lugares ; hai infinitas posibilidades. Eu optei por chamarlle. "Traballo rematado, agora, que fago?" e como podedes ver ofrece a creación de contos e poemas nos dous idiomas, axudarlle a un compañeiro/a,facer un labirinto, un debuxo, un crebacabezas ou ler un libro da biblio. Xa vos destes conta que está enfocado ás linguas pero iso é porque temos obradoiros matemáticos e debemos  abarcalo  todo. Irán aparecendo novidades  nas próximas semanas.
Montaxe realizada con Pizap.

viernes, 3 de marzo de 2017

MUNDOS ALTERNATIVOS.

Imaxe atopada na rede.
Prometínlles aos meus nenos/as que, cando tivera tempo, lles faría unha entrada sobre o gran descubrimento da NASA  que se comunicou a semana pasada.  Como eu sempre intento cumplir o que prometo, aí vai o comprometido.
Un equipo internacional de astrónomos deu a coñecer, o pasado 22 de febreiro, a existencia dunha estrela con sete planetas que orbitan ao seu redor con tamaños similares á Terra e con condicións para albergar vida. . Esta estrela anana, vermella e ultrafría atópase a 40 millóns de anos luz da constelación de Acuario.
A medida que escribo este post estanme xurdindo moitas ideas para que poidamos aproveitar este tema; queredes?
En vista do bo resultado e acollida que tivo o traballiño sobre as mulleres científicas (xa volo ensinaremos cando estea rematado) vouvos a propoñer outra encarga.
Doodle de Google creado para a noticia.
PARTE 1 (Voluntaria)
Teredes que buscar información sobre as seguintes cuestións:
- Que significa NASA?
-Cal é o nome da estrela da que estamos falando?
-Cales son as súas 3 características principais?(Cor , tamaño e temperatura).
- A que constelación pertence?
-Que nomes reciben os novos planetas?
Para contestar esas cuestións deberedes fixarvos no texto anterior (algunha xa está contestada aí) e tamén vos poño algúns enlaces para que busquedes a información.
O que  traia estas preguntas contestadas á clase obterá 5 PUNTOS para sumar no seu marcador persoal. O prazo remata o 10 de marzo.
 A PARTE 2 farémola todos en clase. Estou argallando nela!!!