jueves, 31 de diciembre de 2015

PORTAL DE BELÉN.

Para despedir o ano seguimos falando das cousiñas que fixemos en Plástica e, para Nadal ,decidímonos por un Portal de Belén "made in na casa". (Eu buscara unha estreliña  para facer con depresores pero cando tiñamos todo pintado  alguén recordou que xa fixeran unha o ano anterior. AHHHHHGGG, cambio de plans!!! Non pasa nada; somos docentes con recursos e programación flexible.).
Esta foi unha manualidade moi sinxeliña de facer pero leva tempo porque solo pintar os depresores xa hai que facelo en dúas sesións(hai que esperar a que seque dun lado). Despois coloreamos o debuxo da Virxe, S Xosé e o Neno; unha voltiña de cola, unhas estreliñas brillantes e....Voila, portal rematado!!!
Gústanvos?

martes, 29 de diciembre de 2015

PRIMEIRA SAÍDA.

Imaxe obtida en  http://www.redescena.net/

Neste mes de decembro tivemos a nosa primeira saída do curso.Desprazámonos, xunto cos nenos/as de 2º e os do cole de Soutelo de Montes, ata Pontevedra para disfrutar dunha estupenda obra de teatro titulada "Lío en la granja". Esta peza, enmarcada dentro das actividades que ofrece Afundación de Abanca,deixounos moi bo sabor de boca porque despois de todo o lío que se organiza, nada é o que parece.
Aquí vos quedan unhas fotos nosas e da función.
Montaxes realizadas con piZap.

E para que quede constancia do atentos que estivemos, estrenámonos nas crónicas. A ver que vos parecen!!!

lunes, 28 de diciembre de 2015

ESTRELA, ESTRELIÑA.


Outra das actividades que fixemos no primeiro trimestre foi visitar un planetario.Este era moi especial, xa que non nos tivemos que desprazar demasiado, solo subir ao segundo  andar do cole. 
Que como é isto? Pois moi fácil; visitounos o Planetario viajero de EduCaixa.
Premede na imaxe para obter información.

Así que un día subimos e dedicámonos a ver as estrelas, os planetas e a coñecer a orixe dos seus nomes.Resultou moi interesante e aprendemos algunhas cousiñas. Alguén sabe cal é a estrela que non se move? Aí volo deixo. Investigade e saberédelo!!!


domingo, 27 de diciembre de 2015

FOLLA DE OUTONO.

Outra das actividades que realizamos  na clase de Plástica foi unha folla de outono que saquei de Internet.
Xogamos coas cores cálidas para colorear a folla e as frías para colocarlle arredor. Velaquí o proceso.
Para rematar, quixemos facerlle un marco de cartolina, que picamos e coloreamos con témpera e esponxa.A ver se vos gusta!!!

viernes, 25 de diciembre de 2015

PERELLA E O NADAL.

Neste familiar 
día de Nadal, 
coméntovos as novas 
da nosa fada particular.
Pois desde a última conexión , Cris tivo a ben escribirlle e a fada, contestoulle.
Despois apareceu  docemente con motivo das Festas; a todos nos pareceu unha visita do máis axeitada.
E como agasallo neste día de Nadal, a Fada Perella, envíavos esta preciosa curta para que gocedes grandes e pequenos. Uns descubrindo a maxia e outros tentando non esquecela.
BO NADAL!!!

jueves, 24 de diciembre de 2015

FELIZ NADAL!!!


Para as familias da aula,para os compis do cole, para os nenos /as do centro, para os amigos/as virtuais, para os que se pasan polo blogue, para os que comentan e os que non o fan; para todo o mundo en xeral....
FELIZ NADAL!!!

lunes, 21 de diciembre de 2015

A VIDA ÁBRESE PASO.

Xa sabedes que os finais de trimestre son un pouco..."apuradillos" e sempre se acumulan cousas que queremos ensinar pero non da tempo. Aproveitando este tempo de vacacións tentarei poñerme (e poñervos) ao día do que fixemos nestes meses.
No mes de novembro, a profe Nila e os nenos/as de 3 anos invitáronnos á súa aula, porque estaban esperando unha chegada moi especial. Isto foi o que nos atopamos alí.
Unha pequena incubadorora con varios ovos e unha conta atrás debuxada no encerado. Xa faltaba pouco. E cumprido o tempo....naceron os pitiños!!!!
Esta vez fomos a velos á clase da profe Soraya e dos nenos/as de 5 anos. Fixádevos  o ben que o pasamos.
GOZAMOS MOITO COA VISITA. GRAZAS!!!

domingo, 20 de diciembre de 2015

XOGOS NAVIDEÑOS.

Imos aproveitar as festas para xogar un pouco , parécevos?
Mirade, mirade o que atopei!!!

- Na páxina mathplayground.com este crebacabezas no que colocaredes a peza sobre o resultado da suma.
-Tamén podemos xogar coas restas e crear crebacabezas con esta actividade de thekidpage.com.
-En Actividades para Educación infantil de Blanca B. atopei esta árbore para decorar, que nos vai axudar moito no manexo do rato.
- No blogue da nosa amiga Blanca Lafarga, Escuela infantil castillo de Blanca, vin este xogo de memoria diferente. Premede sobre o botón verde, memorizade os obxectos e despois  colocádeos nos vagóns.
-E outro de sumas sinxeliñas.
FELICES XOGOS!!!

viernes, 18 de diciembre de 2015

CENTROS DE OUTONO.

Imaxe obtida en Pixabay.com

Outra das actividades que fixemos en clase de Plástica foron uns centros de outono. Trouxemos á aula cousiñas que son típicas desta estación como follas,castañas, noces, etc ....para compoñer o noso centro de mesa outonal. Comezamos por pintar de marrón unha bandexa de cartón (utilizamos a técnica da esponxa que é máis fácil para pintar), despois clasificamos os materiais a utilizar , fomos collendo os que máis nos gustou e compoñendo o centro e, por último, a profe, coa pistola de silicona, fixou os nosos traballos.
Aquí vos mostramos a  preparación:
E aquí o resultado final:

lunes, 14 de diciembre de 2015

SEGUE A PAPÁ NOEL!!!

Encantoume este "Sigue  a Papá Noel" da páxina de Google que fai unha conta atrás para a chegada do mencionado personaxe. Cada día actívanse novos xogos super interesantes. Queredes divertirvos? Pois a xogar!!!!
Recollido no blogue Juegos Educativos Online Gratis de Antonio López.

sábado, 12 de diciembre de 2015

HORA DE LER (III)

Montaxe feita con Pizap.

O terceiro  en participar nesta sección foi o compi Constante, que nos trouxo un libro en galego de Fina Casalderrey, "Lume". Mirade  que conta:
Ía moita calor e Tor, o meu can, asábase no xardín. Tamén se asaban unhas sardiñas nas brasas da barbacoa. Engadín unhas follas de xornal e...¡¡¡Lume!!!
Xa sabemos que co lume non se pode xogar pero o noso protagonista deixouse levar e....como rematará a historia?
Como fixen nas entradas anteriores busquei o conto en vídeo pero non houbo sorte. Ofrézovos, a cambio, a historia de "La princesa de fuego". A ver se vos gusta!!!

(Obtido en Youtube- Pedro Pablo Hernández)

miércoles, 9 de diciembre de 2015

NADAL EN RECURSOS.

Chegadas estas datas, todos e todas, andamos a mil por hora: ensaios, avaliacións, flecos, últimas horas..... En fin, que non  temos moito tempo!
Este ano a compilación de Nadal fágoa botando man de  super profes que se organizan moi ben e nos ofrecen post super interesantes cun montón de recursos. Se premedes sobre a imaxe accederedes á páxina.
GRACIÑAS,COMPIS!!!

domingo, 6 de diciembre de 2015

CORREO CON PERELLA.

Seguen as comunicacións co mundo das fadas, xa que Carlos e Sheila(de 5º) quixeron porse en contacto coa nosa fada particular. En poucos días obtiveron as súas respostas. Atreveranse os nenos e nenas de 1º a establecer relacións de correspondencia?
ANIMÁDEVOS CHICOS/AS!!!

jueves, 3 de diciembre de 2015

FIXÉMONOS NAS CAPACIDADES.

Imaxe obtida na páxina do Intef.

Hoxe, 3 de decembro, é o Día Internacional das Persoas con Discapacidade. Foi establecido polas Nacións Unidas co obxectivo de chamar a  atención  e movilizar apoios con respecto á inclusión  de persoas con discapacidade na sociedade.
Para que vexades que o importante non é o que nos falta senon o que posuimos, deixovos esta preciosa historia desta nena e o seu can Coco.

Obtido en Youtube: Escuela para niños y niñas ciegos de Guadalajara A .C.

Fixádevos no que nos di Talentina, esta falangueira nena de cinco anos, entusiasta e optimista. Creo que lle imos ter que seguir a pista, non credes?
Imaxe obtina no blogue Desarrollo del talento.

domingo, 29 de noviembre de 2015

HORA DE LER (II).

Esta semana temos como protagonista na nosa "Hora de ler" a Beatriz. Ela quixo presentarnos  o libro  "21 historias de la granja" pero como ten moitos contos, decidiuse polo de "Gaspar , el gallo".
Esta historia non puiden  atopala en vídeo pero sí que encontrei o conto de El gallo Kirico, no blogue de Javier Merchante, El maestro cuentacuentos. Que vos guste!!!

miércoles, 25 de noviembre de 2015

APÚNTATE AO BO TRATO!!!

Imaxe atopada no blogue El rincón educativo.

O 25 de Novembro é un deses días que non debería existir no calendario porque nos recorda que no mundo hai moitas persoas que non saben tratar aos demais.
Como a nós non nos gusta que nos mal traten, debemos facer todo o posible por dispensarlle aos outros o mellor trato que saibamos dar.
Para a erradicación de toda violencia debemos esforzarnos en educar para o bo trato e para a igualdade de xénero, sempre desde a tolerancia e o respecto alleos.
Aquí vos deixo o Decálogo para o bo trato de María Soledad Ortiz Barragán dentro do Programa-Guía para el Desarrollo de competencias emocionales, educativas y parentales. (Servicios Sociales de Tocina-Los Rosales (Sevilla).
E para traballar a igualdade de xéneros este fantástico conto "Los colores" de Nunila López Salamero e ilustrado por Myriam Cameros Sierra.Pertence ao libro Cuentos para antes de despertar
e presentanos unha visión diferente do mundo.

APÚNTATE AO BO TRATO!!!

domingo, 22 de noviembre de 2015

CELEBRAMOS A MÚSICA.

O 22 de novembro  celebramos a festividade de Santa Icía, patrona dos músicos e dos poetas. Para festexar a data , deixovos  esta particular orquestra que recollín do blogue da nosa amiga Blanca Lafarga, Escuela infantil castillo de Blanca.
Podedes facer as vosas propias composicións: escoitar os instrumentos por separado, por parellas, todos xuntos.... e solo cun clic. Iso si, teremos que convencer a algún dos músicos de que ten que deixar de fumar porque é moi malo para a saúde.
Tamén vos deixo este vídeo cunha adaptación ao Rock de pezas clásicas (As Sinfonías 5ª e 9ª de Beethoven e O vo do moscardón de Rimsky Korsakov). Espero que o gocedes!!!

viernes, 20 de noviembre de 2015

DÍA DO NENO E DA NENA.

Imaxe obtida de http://mundoimagenes.org/

O 20 de novembro celebramos o Día Universal do Neno e da Nena cun claro obxectivo  recordarlle á cidadanía que os nenos son o colectivo máis vulnerable e polo tanto o que máis sofre as crises e os problemas do mundo. Este día mundial recorda que todos os nenos teñen dereito á saúde, á educación e á protección, independentemente do lugar do mundo no que naceran.
(Texto de https://www.unicef.es/infancia/derechos-del-nino/dia-internacional-nino)
Para coñecer cales son eses dereitos mirade esta presentación e escoitade a canción:
(Obtido en Youtube- LhulitaArg)
(Obtida en Youtube- Familias fuertes)
Tedes máis información e xogos nas entradas dos anos anteriores:
-Entrada do 2013.
-Entrada do 2014.
- E na páxina do amigo Antonio López. Clicade sobre a imaxe para acceder.

miércoles, 18 de noviembre de 2015

COMEZAMOS A "HORA DE LER".

Como en anos anteriores seguimos coa nosa "Hora de Ler". Xusto cando entramos do recreo da tarde temos eses 20 minutiños reservados á lectura.Como sempre me deu moi bo resultado, imos seguir traendo libros da casa para formar a nosa biblioteca de aula e aproveitaremos para lerllos aos  nosos compañeiros/as. 
Estreouse na actividade Cristina que nos trouxo un libro de Caillou. Nesta historia, o noso amigo, debe recoller os seus xoguetes se quere gozar dalgo que lle gusta de verdade.
Montaxe feita con Pizap.

Deixovos a aventura en vídeo. Espero que a vexades....despois de ler o conto!!!

lunes, 16 de noviembre de 2015

MAGOSTO, MAGOSTIÑO, CHEGACHES CO S. MARTIÑO.


O martes 10, véspera do San Martiño, celebramos no cole unha tarde de xogos e magosto.Comezamos colocándonos os nosos colgantes-castaña que fixeramos na aula e dirixímonos ao patio para ver que xogos nos tocaban este ano.Repetimos a carreira coa castaña na culler porque é unha das actividades que máis nos gustan. Fixémolo por clases (da nosa gañou Cris) e unha última rolda cos gañadores de todos os cursos. Despois, tocou poñerse en roda e pasar a castaña con música. Cando a música deixa de soar, perde o que ten o froito na man. Tamén fixemos unha quenda con todos os gañadores e a vencedora foi....Beatriz!!! Si, si, a nosa Beatriz.
Tomamos as castañas, que asara moi ben o profe Javi coa axuda do profe Julio, e tivemos que baixalas bailando  coa música que pinchaba o profe Toño.
Foi unha tarde estupenda!!!
Montaxe realizada con BeFunky.

viernes, 13 de noviembre de 2015

Á RICA CASTAÑA!

O outro día, na hora de Plástica,decidímonos a colorear unha castaña(xa que estamos no seu tempo).
Pedimos prestadas unhas ceras Manley aos nenos e nenas de infantil (é que nós somo moito de pedir pero tamén damos , eh?) e puxémonos mans á obra.
Primeiro , pintar ao gusto de cada un; segundo, recortar a castaña e pegala nunha cartolina e, por último, inventar un título para a creación.
Aquí tedes o resultado.
Presentación realizada con PICOVICO.

Atopei o modelo de castañas no blogue, Recursos para mi clase, da nosa amiga Isabel. Grazas por ofrecernos recursos tan chulis.

miércoles, 11 de noviembre de 2015

PERELLA SEGUE ENTRE NÓS.

No mes pasado, tres alumnos de 5º, Ana, Daniel e Carlos, decidiron escribirlle cadansúa carta a Fada Perella. Falaron comigo e colocámolas na nosa planta (lugar onde recibimos este tipo de correo,o máxico).
Creo que a Fada lle debeu de facer moita ilusión porque non tardou demasiado en contestarlles.
Animádevos a seguir escribindo, chicos/as!!!

sábado, 7 de noviembre de 2015

RECURSOS DE CIENCIAS SOCIAIS E DA NATUREZA(II)

Comenzamos polas Ciencias Sociais  e a Educación Vial.
-Desde o proxecto "Suelas y ruedas" chéganos este vídeo sobre os sinais de circulación.
-Este vídeo de Motions Pictures fálanos dos semáforos e tamén repasa algúns sinais.

Seguimos coas Ciencias da Natureza.
-En Mundo primaria ofrécennos unha actividades para repasar o aprendido no tema 2 de CN. Estivestes atentos?
-Propóñovos colocar na Pirámide NAOS de Unicef os alimentos e exercicios que debemos facer para estar sans. Entrade, escollede o idioma e... a xogar!!!
-Animádevos a xogar con Spoti e axudádeo a cruzar a colina para que se reúna cos seus amigos.
(Atopado en Juegos educativos on line gratis de Antonio López).


miércoles, 4 de noviembre de 2015

MARCANDO PÁXINAS.

Este ano son eu a responsable da clase de Plástica de 1º e como inicio de asignatura decidimos facer un estupendo marcapáxinas para utilizar na "Hora de ler".Como seguidora que son do blogue da nosa amiga Ana Martínez, Aula Tic, vin como na súa aula de 6º facían o mesmo e púxenme mans á obra.
Son temeraria, si , pero non tanto. Busquei na mesma páxina que eles, Krokotak, e escollín algo máis acorde para a nosa idade: un marcador de serpe. Gustoulles  a idea un montón e foi relativamente fácil de facer. Ata a profe fixo un!!!
Proceso:
-Recortamos tiras de cores que despois pegamos na silueta da serpe.
-A profe recortou uns ollos de cartolina que pegamos e repasamos de rotulador como quixemos.
-Recortamos a serpe polo contorno.
-Pegámola nun trozo de cartolina.
-Por último, a profe plastificou os marcadores e púxolles un lazo a modo de lingua.
Mirade que chulos!!!
Montaxe realizada con Pizap.